L-għanijiet u raġunijiet ta’ dan l-Abbozz ta’ Liġi huma biex ikun hemm proċeduri mħeffa f’każijiet ta’ ammissjoni, biex jittrasponi d-Direttiva 2010/64/EU tal-Parlament Ewropew u tal-Kunsill tal-20 ta’ Ottubru 2010 dwar id-dritt għall-interpretazzjoni u traduzzjoni fi proċeduri kriminali, biex jittrasponi d-Direttiva 2011/92/EU tal-Parlament Ewropew u tal-Kunsill tat-13 ta’ Diċembru 2011 fuq il-ġlieda kontra l-abbuż sesswali, l-isfruttar sesswali tat-tfal u l-pornografija tat-tfal, biex jittrasponi d-Direttiva 2012/13/EU tal-Parlament Ewropew u tal-Kunsill tat-22 ta’ Mejju, 2012 fuq id-dritt ta’ informazzjoni fi proċeduri kriminali, u, fil-każ tal-emendi proposti
fit-Taqsima IV tal-Abbozz, għal fini li l-programm ta’ ħarsien ta’ xhieda taħt l-Att dwar il-Pulizija jsir iżjed effetiv.