L-għan ta’ dan l-Abbozz ta’ Liġi hu sabiex jemenda l-artikolu 19(2) dwar l-Ugwaljanza għall-Irġiel u n-Nisa fir-rigward tal-piż tal-prova fi proċedimenti ċivili, bil-għan li jiġi traspost l-Artikolu 19 tad-Direttiva 2006/54/KE tal-Parlament Ewropew u tal-Kunsill dwar l-implimentazzjoni tal-prinċipju ta’ opportunitajiet ugwali u trattament ugwali ta’ rġiel u nisa fi kwistjonijiet ta’ impieg u okkażjonijiet.