L-għanijiet u r-raġunijiet ta’ dan l-Abbozz ta’ Liġi huma sabiex jiġu aġġornati d-dispożizzjonijiet tal-Kodiċi Kriminali dwar delitti kontra s-sentiment reliġjuż ukoll minħabba li dawn il-liġijiet ilhom li daħlu fis-seħħ mis-sena 1930 u l-Kodiċi Kriminali ġie emendat diversi drabi sabiex jimponi sanzjonijiet kriminali dwar l-instigazzjoni reliġjuża u forom oħra ta’ mibgħeda u sabiex jipprovdi għall-implimentazzjoni aħjar tal-libertà tal-espressjoni fir-rigward tal-attenzjoni tal-bilanċ meħtieġ bejn id-dritt ta’ kulħadd li jirċievi u jagħti informazzjoni u ideat u l-ħtieġa li tiġi mħarsa s-soċjetà u persuni vulnerabbli minn ċerti forom ta’ pornografija u indiċenza. Qegħdin isiru wkoll emendi konsegwenzjali għall-Ordinanza tad-Dwana u r-Regolamenti dwar il-Pornografija u l-Oxxenità qed jiġu mħassra.