L-għanijiet u r-raġunijiet ta’ dan l-Abbozz ta’ Liġi huma sabiex tiġi ċċarata l-pożizzjoni skont il-liġi fir-rigward ta’ minn min, u ċċirkostanzi li fihom il-funzjonijiet ta’ nutar jistgħu jiġu eżerċitati, u wkoll sabiex jiġu ċċarati ċ-ċirkostanzi meta nutara jistgħu jirrifjutaw jew xort’oħra li jagħtu s-servizzi tagħhom. L-Abbozz ta’ Liġi għandu jaċċerta wkoll bażi soda legali għad-diġitalizzazzjoni tal-volumi kollha tal-atti miżmuma fl-Arkivji Nutarili.