L-għan ta’ dan l-Abbozz ta’ Liġi hu sabiex jaġġorna d-dispożizzjonijiet dwar il-governanza u r-regolamentazzjoni tas-servizzi u l-prodotti dwar il-logħob minn Malta u f’Malta, flimkien mal-attivitajiet u l-ħwejjeġ l-oħra kollha li huma anċillari jew inċidentali għal dan jew konnessi miegħu, u sabiex jipprovdi għat-twaqqif u l-funzjonijiet tal-Awtorità ta’ Malta dwar il-Logħob, kif ukoll għat-tħassir, revoka u, jew emendar ta’ ċerta leġiżlazzjoni oħra.