L-għanijiet ta’ dan l-Abbozz huma illi jemenda l-Kodiċi Kriminali fir-rigward ta’ proċeduri mibdija bil-kwerela tal-parti offiża, meta l-kwerelant huwa l-Kap ta’ Dipartiment tal-Gvern u biex jintroduċi kontravvenzjoni ġdida għall-ordni pubblika; biex jintroduċi emendi fil-Kodiċi tal-Liġijiet tal-Pulizija fir-rigward ta’ prevenzjoni ta’ inkonvenjent lill-ġirien minħabba inbiegħ tal-klieb, u biex jintroduċi Taqsima Ġdida bit-titolu ‘Fuq il-Klassifikazzjoni tal-materjal awdjo-viżiv li jintwera fid-Djar Privati’; u biex jemenda l-Ordinanza dwar ir-Regolament tat-Traffiku fir-rigward tat-teħid ta’ kampjuni tan-nifs, demm u fluwidi tal-ġisem; biex jemenda Ordinanza dwar l-Assigurazzjoni ta’ Vetturi bil-Mutur għar-Riskji ta’ Terzi Persuni u speëifikament biex jintroduċi subartikolu ġdid rigward l-ammissibilità bħala prova ta’ dikjarazzjoni ġuramentata ta’ assiguratur awtorizzat jew rappreżentant tiegħu u biex jemenda l-Att Dwar l-Armi fir-rigward tal-iskwalifika tal-liċenza wara li jsir reat taħt is-subartikolu (2) tal-artikolu 24 u l-bejgħ ta’ ġugarelli forma ta’
armi.