L-għanijiet u r-raġunijiet ta’ dan l-Abbozz ta’ Liġi huma li jinħarġu b’liġi r-riformi Kostituzzjonali li jirrigwardaw il-ġudikatura, it-twaqqif ta’ żewġ sotto-kumitati tal-Kummissjoni għall-Amministrazzjoni tal-Ġustizzja li għandhom jiġu msejħa l-Kummissjoni dwar il-Ħatriet tal-Ġudikatura u l-Kumitat għall-Imħallfin u l-Maġistrati bil-kompiti rispettivi li jagħtu pariri dwar ħatriet ġudizzjarji u biex jikkonduċu proċeduri dixxiplinarji fir-rigward ta’ membri tal-ġudikatura, ir-radikar tal-Kummissjoni għall-Amministrazzjoni tal-Ġustizzja u tal-Kumitat għall-Imħallfin u l-Maġistrati fil-Kostituzzjoni u l-promulgazzjoni tal-Att dwar il-Pensjonijiet tal-Membri tal-Ġudikatura.