L-għanijiet u r-raġunijiet ta’ dan l-Abboz huwa sabiex jiġu trasposti fil-liġi id-dispożizzjonijiet tad-Direttiva (UE) 2016/343 tal-Parlament Ewropew u tal-Kunsill tad-9 ta' Marzu 2016 dwar it-tisħiħ ta' ċerti aspetti tal-preżunzjoni tal-innoċenza u tad-dritt li wieħed ikun preżenti waqt il-proċess fil-proċedimenti kriminali u l-emenda tal-Att dwar id-Dipendenza fuq Droga (Trattament mhux Priġunerija) bl-għan li jikkonforma ma’ deċiżjoni tal-Qorti Kostituzzjonal fir-rigward tal-possibilità li qorti fi grad ta’ appell tassumi funzjonijiet ta’ Qorti dwar id-Droga u li tagħmel emendi minuri f’dik il-liġi.