L-għanijiet u r-raġunijiet ta' dan l-Abbozz ta’ Liġi huma li jistabbilixxu l-Aġenzija dwar is-Suq tal-Proprjetà bil-għan li taġixxi ta' Aġenzija regolatorja dwar l-intermedjarji tal-proprjetà fil-kuntest ta' qafas regolatorju ġdid li jkun jassumi ukoll il-funzjonijiet imwettqa mill-Bord tal-Ħruġ tal-Liċenzji li qabel kien imwaqqaf taħt l-Att dwar l-Aġenti tal-Proprjetà Immobbli u tas-Sensara u Konsulenti tal-Proprjetà (Kap 615). L-Abbozz ta’ Liġi jipprovdi ukoll għal regolamentazzjoni msaħħa tal-intermedjarji fis-suq tal-proprjetà.