L-Għan ta' dan l-Abbozz huwa sabiex jipprovdi inċentivi fiskali, għotjiet għal taħriġ, ħelsien mid-dazju ta' importazzjoni, fabbriki, self b'imgħax baxx u forom oħra ta' għajnuna lill-industriji tal-manifattura, u sabiex jirregola l-amministrazzjoni ta' dawn l-inċentivi u għajnuna; sabiex iwaqqaf Bord ta' Appelli biex jisma' u jiddeċiedi appelli minn partijiet aggravati b'deċiżjonijiet meħuda fl-amministrazzjoni ta' dawn l-inċentivi u ta' din l-għajnuna; u sabiex jipprovdi għal pieni dwar reati għall-ksur ta' dispożizzjonijiet li jirregolaw id-dritt ghal, u t-tgawdija ta', dawn l-inċentivi u din l-għajnuna.