L-Għan prinċipali ta' l-Abbozz huwa sabiex jirrevoka l-Att eżistenti ta' l-1976 dwar id-Dazji ta' Importazzjoni, billi jintroduci Att ġdid konformi mal-Harmonised Commodity Description and Coding System (kif adottata u pubblikata mill-Customs Co-Operation Council). L-Abbozz jintroduċi wkoll dispożizzjonijiet godda dwar it-tneħħija ta' oġġetti mportati meħlusa minn dazju, il-konfiska ta' oġġetti skond l-Ordinanza tad-Dwana meta oġġetti mportati għal użu temporanju rna jergħux jiġu esportati fiż-żmien stipulat, u l-introduzzjoni ta' perjodu transitorju li matulu min jintlaqat minn konfiska li titwettaq skond l-Att ta' l-1976 dwar id-Dazji ta' Importazzjoni jkun jista' jikkontesta dik il-konfiska.

L-Abbozz jipprovdi wkoll sabiex ikun hemm konformità mal-Customs Conventionon the A . T.A. Camet for the Temporary Admission of Goods, li tagħti ħelsien minn dazju fil-każ ta' oġġetti mportati għal fieri, esibizzjonijiet u wirjiet fost affarijiet oħra.