L-għanijiet u r-raġunijiet ta' dan l-Abbozz ta' Liġi huma l-introduzzjoni tad-dritt lill-persuni, kemm jekk tal-istess sess jew ta' sess oppost, li jidħlu f'unjoni ċivili. Il-prinċipju sottastanti ta' dan l-Att hu li jekwipara l-unjonijiet ċivili u ż-żwieġ mil-lat ta' proċedura u sustanza b'mod li jiggarantixxi drittijiet ugwali lil imsieħba f'unjoni ċivili hekk kif inhi garantita lill-konjuġi fiż-żwieġ.

L-aproċċ tal-ugwaljanza għandu jiggarantixxi t-tgawdija ta' drittijiet u obbligi ugwali f'kull qasam tal-liġi u l-ħajja soċjali.