L-għanijiet u raġunijiet ta’ dan l-Abbozz huma sabiex, primarjament, jintroduċu emendi għall-amministrazzjoni aħjar tal-Ġustizzja, u b’mod partikolari sabiex:
(1) tiġi trasposta d-Deċiżjoni tal-Kunsill 2007/845/JHA tas-6 ta’ Diċembru 2007 dwar il-kooperazzjoni bejn l-Uffiċċji għall-Irkupru tal-Assi tal-Istati Membri fil-qasam tar-rintraċċar u l-identifikazzjoni ta’ rikavati mill-kriminalità, jew proprjetà oħra relatata magħha;
(2) ikun hemm bażi legali, fi proċedimenti kriminali li jkunu ttieħdu bil-kwerela tal-parti leża jew offiża, meta l-kwerelant jiddeċiedi li jirrinunzja għall-azzjoni, li tippermetti lir-reġistratur li jirkurpra l-ispejjeż inkorsi li jkollhom x’jaqsmu mal-ħatra ta’ esperti jew periti (inklużi dawk tal-esperti li jkunu ġew maħtura fl-istadju tal-proċess verbal tal-inkjesta); u
(3) tiġi riveduta l-proċedura ta’ eżekuzzjoni tal-mandati ta’ arrest tal-vapuri jew bastimenti.