L-għanijiet ta’ dan l-Abbozz ta’ Liġi huma sabiex jiffaċilita l-funzjonijiet tad-Direttur tar-Reġistru Pubbliku f’kull proċedura legali u jagħtuh is-setgħa biex jaħtar persuna delegata minnu, sabiex
jiffaċilita l-proċedura biex jittieħdu volumi mill-Arkivji Nutarili għal skop kulturali, xjentifiku jew forensiku, u biex jiżgura li jittieħdu l-miżuri meħtieġa li għandhom x’jaqsmu ma’ konservazzjoni u sigurtà, u sabiex titneħħa r-restrizzjoni fir-rigward tal-proviso fis-subartikolu (8) tal-artikolu 4 tal-Att dwar Atti Nutarili (Provvedimenti Temporanji) u l-membri tal-Qorti tar-Reviżjoni tal-Atti Nutarili jkunu jistgħu jispezzjonaw l-Atti Nutarili li jkunu ġew depożitati fl-Arkivji Nutarili f’post ieħor barra mill-istess Arkivji.