L-għanijiet u r-raġunijiet ta’ dan l-abbozz hu sabiex ikun jista’ jsir l-għadd tal-voti b’mod elettroniku; biex issir qtugħ ta’ votanti li m’għadhomx ikkwalifikati biex jidhru fir-reġistri elettorali tal-Kunsilli Lokali u tal-Unjoni Ewropea; biex ir-reġistri elettorali jkunu stampati b’mod elettroniku; biex isir terminu ġdid u prattikabbli għall-ilqugħ tan-nomini ta’ kandidati; biex in-nomini jkunu jistgħu jsiru onlajn; biex il-polza tal-vot ikollha format ġdid li jinkludi r-ritratti tal-kandidati f’forma uniformi għall-elezzjonijiet kollha; u biex ikun preskritt dwar x’jiġri fil-każ ta’ mewt ta’ kandidat wara li l-poloz tal-vot ikunu stampati.