L-għanijiet u r-raġunijiet ta’ dan l-Abbozz ta’ Liġi huma sabiex jipprovdi qafas legali għall-għoti tal-assistenza u l-protezzjoni lill-adulti f’sitwazzjonijiet ta’ vulnerabbiltà li huma f’riskju ta’ ħsara, abbuż jew negliġenza, inkluż fir-rigward tal-għoti ta’ servizzi rilevanti, permezz ta’ pjanifikazzjoni ċentrata fuq il-persuna u l-intervent tal-qrati, joħloq sistema ta’ ċertifikati ta’ approvazzjoni għal persuni li jaħdmu ma’ dawn l-adulti, u reġistru ta’ trasgressuri, u jwettaq emendi konsegwenzjali fl-Att dwar ir-Ratifika tal-Konvenzjoni dwar il-Protezzjoni Internazzjonali tal-Adulti, Kap. 633.