L-għanijiet u r-raġunijiet ta’ dan l-Abbozz ta’ Liġi huma sabiex jipprovdi l-emendi meħtieġa għall-Att dwar il-Professjoni tax-Xogħol Soċjali (Kap. 468) sabiex jiġi indirizzat in-numru dejjem jonqos ta’ ħaddiema soċjali li joperaw fid-diversi oqsma tas-servizzi tal-ħarsien soċjali billi jitwessgħu r-rekwiżiti sabiex wieħed jikseb warrant biex jipprattika bħala ħaddiem soċjali biex jinkludi dawk il-persuni li kisbu kwalifiki tagħhom minn istituzzjoni ta’ edukazzjoni ogħla debitament liċenzjata mill-Awtorità ta’ Malta għal Edukazzjoni Avvanzata u Ogħla.