L-għanijiet ta’ dan l-Abbozz ta’ Liġi huma biex jiġi promulgat Att biex jemenda l-Att dwar l-Edukazzjoni li huma meħtieġa sabiex is-setturi tal-edukazzjoni milquta b’dan l-Abbozz ikunu jistgħu jaħdmu aħjar, partikolarment l-iskejjel fl-edukazzjoni obbligatorja, l-eżamijiet, il-professjoni tal-għalliema u l-edukazzjoni avvanzata u ogħla. B’mod speċjali, dan l-Abbozz għandu l-għan li jtejjeb it-tifsiriet fl-Att li għandhom x’jaqsmu mal-edukazzjoni avvanzata u ogħla bl-iskop li jipprovdi stampa aktar ċara tal-aspetti varji tal-edukazzjoni avvanzata u ogħla u
sabiex ukoll jirrifletti l-iżviluppi nazzjonali u Ewropej f’dan il-qasam. L-Abbozz ukoll jatribwixxi aktar funzjonijiet lil Kummizzjoni Nazzjonali Għal Edukazzjoni Ogħla sabiex din tkun tista’ tagħmel xogħol relatat mal-kwalifiki, ir-rikonoxximent, il-liċenzjar, l-akkreditament u l-assikurazzjoni ta’ kwalità tal-edukazzjoni avvanzata u ogħla. Dan sabiex il-varji funzjonijiet regolatorji u ta’ politika li għandhom x’jaqsmu mal-edukazzjoni avvanzata u ogħla jiġu miġbura taħt entità waħda u sabiex jkunu tista’ tiġi adottata leġislazzjoni sussidjardi f’oqsma relatati, sabiex is-settur jiġi regolat.