L-għan ta’ dan l-Abbozz ta’ Liġi huwa biex jippermetti lill-Ministru għall-Finanzi jiġbor flus permezz ta’ self bil-għan li jipprovdi għajnuna finanzjarja lil istituzzjonijiet ta’ kreditu fil-kuntest ta’ kriżi finanzjarja sabiex jippreserva l-istabbilità finanzjarja skont it-termini tad-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta' istituzzjonijiet ta’ kreditu u ditti ta’ investiment u l-Komunikazzjoni tal-Kummissjoni dwar l-applikazzjoni, mill-1 ta’ Awwissu 2013, tar-regoli dwar l-għajnuna mill-iStat għal miżuri ta’ appoġġ favur il-banek fil-kuntest tal-kriżi finanzjarja ("il-Komunikazzjoni dwar il-Banek")(2013/C216/01).