L-għan ta’ dan l-Abbozz ta’ Liġi huwa sabiex jipprovdi l-mekkaniżmu neċessarju sabiex Malta tkun tista’ ssir membru fundatur fl-Asian Infrastructure Investment Bank. L-għan tal-Bank huwa primarjament li jkattar żvilupp ekonomiku sostenibbli, jikkreja l-ġid u jtejjeb il-konnettività infrastrutturali fl-Asja billi jinvesti fl-infrastruttura u setturi oħra ta’ produzzjoni u sabiex jippromwovi kooperazzjoni reġjonali u sħubija sabiex jiġu indirizzati l-isfidi permezz ta’ kollaborazzjoni ma’ istituzzjonijiet ta’ żvilupp multilaterali u bilaterali.