Skip to main content
Parlament ta' Malta
Lingwa: en   |  Fittex  |  Ikkuntattjana

Lingwa: en   |  Fittex  |  Ikkuntattjana

Abbozz Nru. 192
Abbozz ta' Liġi dwar il-Midja u l-Malafama Lura għal-Lista

It-Tnax-il Leġiżlatura (2013 - 2017)

Għanijiet u Raġunijiet

L-għanijiet u r-raġunijiet ta’ dan l-Abbozz ta’ liġi huma sabiex jiġu aġġornati l-liġijiet dwar il-malafama, it-tneħħija ta’ libell kriminali fil-liġijiet dwar il-midja, l-introduzzjoni ta’ liġi ta’ tort ċivili ġdid ta’ inġurja, u r-regolamentazzjoni ta’ aħbarijiet fuq siti elettroniċi u servizzi ta’ ġrajjiet kurrenti.


L-Abbozz ta’ Liġi jinkludi diversi dispożizzjonijiet li jsaħħu l-libertà tal-midja billi jevita restrizzjonijiet sproporzjonati fuq il-ġurnalisti f’kawżi ta’ libell filwaqt li jipproteġi lill-vittmi ta’ libell u inġurja permezz ta’ żieda fl-ammonti ta’ danni morali li jistgħu jingħataw.

Iħeġġeġ ukoll żieda fl-użu ta’ mezzi alternattivi ta’ soluzzjoni ta’ konflitt bħad-dritt ta’ risposta, kjarifikazzjonijiet volontarji, medjazzjoni u mezzi oħra prattiċi li jevitaw litigazzjoni ta’ libell jew
ta’ titwil tagħha. 


L-Abbozz ta’ Liġi jinkludi wkoll emendi konsegwenzjali fil-Kodiċi Kriminali sabiex iżomm uħud mir-reati kriminali previsti fl-Att dwar l-Istampa, u fil-Kodiċi ta’ Organizzazzjoni u Proċedura
Ċivili sabiex jipprojbixxi l-ħruġ ta’ mandati kawtelatorji kontra ġurnalisti.

Mozzjoni Nru. 395 - Abbozz ta’ Liġi dwar il-Midja u l-Malafama

 

Dokumenti mqiegħda fuq il-Mejda tal-Kamra {{totalItems}}

Kien hemm żball fl-ipproċessar tat-talba tiegħek. Dan l-iżball ġie lloggjat. Niskużaw ruħna ta’ kull inkonvenjent. Jekk il-problem tippersisti, jekk jogħġbok ipprova neħħi il-cache tal-web browser tiegħek