L-għan ta' dan l-Abbozz huwa biex jemenda l-Att  dwar is-Swieq Finanzjarji u l-Att dwar Servizzi ta' Investiment, biex jittrasponi u jimplimenta d-dispożizzjonijiet rilevanti (i) Direttiva 2014/65/UE tal-Parlament Ewropew u tal-Kunsill dwar swieq fi strument finanzjarji u li temenda d-Direttiva 2002/92/KE u d-Direttiva 2011/61/UE ("MiFID II), (ii) Regolament (UE) Nru 600/2014 tal-Parlament Ewropew u tal-Kunsill dwar swieq fi strumenti finanzjarji u li jemenda r-Regolament (UE) 648/2012 ("MiFIR"), u (iii) ir-Regolament (UE) Nru 909/2014 tal-Parlament Ewropew u tal-Kunsill tat-23 ta' Lulju 2014 dwar titjib fis-saldu tat-titoli fl-Unjoni Ewropea u dwar depożitorji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 ("dwar CSDR"); kif ukoll biex jemenda l-Att dwar il-Kumpanniji biex jittrasponi u jimplimenta d-dispożizzjonijiet rilevanti tas-CSDR. L-għan ta' dan l-Abbozz huwa wkoll biex jemenda l-Att dwar l-Awtorità għas-Servizzi Finanzjarji ta' Malta fil-kuntest ta' (a) Regolament (UE) 2016/1011 tal-Parlament Ewropew u tal-Kunsill tat-8 ta' Ġunju 2016 dwar l-indiċi użati bħala parametri referenzjarji fi strumenti finanzjarji u kuntratti finanzjarji jew dwar il-kejl tal-prestazzjoni ta' fondi ta' investiment; u (ii) Regolament (UE) 2015/2365 tal-Parlament Ewropew u tal-Kunsill tal-25 ta' Novembru 2015 dwar it-trasparenza tat-titoli u l-użu mill-ġdid.