L-għan ta’ dan l-Abbozz hu sabiex jittrasponi l-Artikolu 1 tad-Direttiva 2017/2399 tal-Parlament Ewropew u tal-Kunsill li jemenda d-Direttiva 2014/59/UE dwar il-klassifikazzjoni ta’ strumenti ta’ debitu mhux assikurati fil-ġerarkija ta’ insolvenza billi jiġi emendat l-Att dwar il-Kummerċ Bankarju, kif ukoll biex jiġi provdut dwar ħwejjeġ anċillari jew inċidentali għalihom u sabiex jemenda kemm l-Att dwar il-Kummerċ Bankarju kemm l-Att dwar Servizzi ta’ Investiment sabiex jiġu ċċarati aħjar għadd ta’ dispożizzjonijiet dwar is-setgħat li għandha l-awtorità kompetenti. L-għan ta’ dan l-Abbozz hu wkoll sabiex jittrasponi l-artikolu 4(1)(45) tad-Direttiva 2014/65/UE tal-Parlament Ewropew u tal-Kunsill dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE ("MIFIDII").