L-għanijiet u r-raġunijiet ta’ dan l-Abbozz huma sabiex jiġu stabbiliti regoli dwar qafas komuni għat-twettiq ta’ valutazzjonijiet tal-proporzjonalità qabel l-introduzzjoni ta’ dispożizzjonijiet leġiżlattivi, regolatorji jew amministrattivi ġodda, jew l-emenda ta’ dawk eżistenti, li jirrestrinġu l-aċċess għal, jew l-eżerċitar ta’, professjonijiet regolati, bil-għan li jiġi żgurat il-funzjonament tajjeb tas-suq intern, filwaqt li jiġi garantit livell għoli ta’ protezzjoni tal-konsumatur u sabiex tiġi trasposta d-Direttiva (UE) 2018/958 tal-Parlament Ewropew u tal-Kunsill tat-28 ta’ Ġunju 2018 dwar test tal-proporzjonalità qabel l-adozzjoni ta’ regolamentazzjoni ġdida tal-professjonijiet.