L-għanijiet u r-raġunijiet ta’ dan l-Abbozz ta’ Liġi huma sabiex jarmonizza l-involviment tal-persuni li jaġixxu bħala intermedjarji fil-proċess ta’ negozjar u arranġament ta’ transazzjonijiet li jinvolvu l-akkwist, il-bejgħ jew il-kiri ta’ art, u b’dan il-mod, jipprovdi protezzjoni aħjar għall-konsumaturi u l-prevenzjoni ta’ reati kriminali u frodi li jistgħu jkunu assoċjali ma’ tali attivitajiet. Essenzjalment, dan għandu jwassal sabiex ikun ipprovdut qafas regolatorju fejn l-aġenti tal-proprjetà immobbli, il-maniġers ta’ fergħat u l-konsulenti tal-proprjetà li jaħdmu għal aġenti tal-proprjetà immobbli kif ukoll sensara tal-proprjetà jistgħu jingħataw liċenzja.