L-għanijiet u r-raġunjiet ta’ dan l-Abbozz ta’ Liġi huma sabiex tingħata l-fakoltà lill-qorti sabiex meta persuna tinstab ħatja ta’ moħqrija tal-annimali bi ksur tal-Att dwar it-Trattament Xieraq tal-Annimali, tkun tista’, jekk jidhrilha xieraq, tipprojbixxi lill-persuna misjuba ħatja milli żżomm annimali jew milli tirrisjedi f’post fejn jinżammu annimali għal żmien li l-qorti tista’ tistabbilixxi.