L-għanijiet u r-raġunijiet ta’ dan l-Abbozz ta’ Liġi huma sabiex jintroduċu dispożizzjonijiet għall-prevenzjoni ta’ sewqan taħt l-influwenza tal-alkoħol jew tad-droga, sabiex iżidu l-pieni fir-rigward ta’ tali aġir u sabiex jintroduċu piena ta’ priġunerija mandatorja għall-omiċidju involontarju mwettaq b’riżultat ta’ sewqan ta’ vettura taħt l-influwenza ta’ alkoħol jew droga. Barra minn hekk, l-Abbozz jistabbilixxi wkoll il-mod kif jista’ jsir l-ittestjar għad-droga fil-ġisem u jipprovdi għas-setgħa li jitwettqu testijiet każwali għall-protezzjoni tal-ordni pubbliku, tas-sigurtà pubblika u tad-drittijiet ta’ ħaddieħor, anke mingħajr il-ħtieġa ta’ suspett raġonevoli fil-persuna partikolari.