L-għanijiet u r-raġunijiet ta’ dan l-Abbozz ta’ Liġi huma li titwaqqaf il-Qorti tal-Kummerċ bħala qorti separata mill-Prim’Awla tal-Qorti Ċivili u li tingħata ġurisdizzjoni lill-Qorti tal-Kummerċ sabiex tisma’ kawżi ta’ natura kummerċjali jew relatati mal-kummerċ, inklużi kawżi relatati ma’ drittijiet ta’ proprjetà intellettwali u ma’ bċejjeċ merkantili kif provdut f’dan l-Abbozz ta’ Liġi u kif jista’ jkun ukoll provdut b’regolamenti maħruġa skont dan l-Att.