L-għanijiet u r-raġunijiet ta’ dan l-abbozz ta’ Liġi huma sabiex jemendaw l-Att billi jintroduċu d-dritt ta’ psikoterapista li jipprattika l-professjoni permezz ta’ persuna legali jew li jifforma persuna legali ma’ persuna oħra, li ma tkunx psikoterapista, sabiex jipprattika l-professjoni ta’ psikoterapista, anke jekk mhux esklussivament. Dan l-Abbozz ifittex li jiżgura l-konformita mad-Direttiva 2005/36/KE, kif emendata permezz tad-Direttiva 2013/55/UE.