L-għanijiet u r-raġunijiet ta' dan l-Abbozz huma sabiex jipprovdi għal ħwejjeġ relatati ma’ organizzazzjonijiet reġistrati mal-Awtorità dwar l-Użu Responsabbli tal-Kannabis, sabiex jipprovdi għal salvagwardji addizzjonali għall-minuri ta’ taħt l-età ta’ tmintax (18)-il sena fir-rigward tal-operat u distribuzzjoni tal-kannabis minn tali organizzazzjonijiet reġistrati, u sabiex jipprovdi li reati fir-rigward tal-operat u l-amministrazzjonijiet tal-organizzazzjonijiet reġistrati mill-ARUC jiġu trattati u jkunu infurzabbli quddiem il-Qorti tal-Maġistrati u mhux minn Kummissarju għall-Ġustizzja, kif ukoll sabiex tiġi definita aħjar it-tifsira kannabis.