L-għanijiet u r-raġunijiet ta’ dan l-Abbozz ta’ Liġi huma sabiex jipprovdu għal pieni aktar proporzjonati għal reati li jikkonsistu fil-ħruq mhux awtorizzat ta’ xogħlijiet tan-nar ta’ entità żgħira li ma jkunx jagħmel ħsara u sabiex jinkludu l-Forza ta’ Għajnuna u Salvataġġ fi ħdan id-Dipartiment tal-Protezzjoni Ċivili bħala forza dixxiplinata għall-finijiet tal-Kostituzzjoni ta’ Malta kif ukoll li jirrevedu d-dispożizzjonijiet leġiżlattivi fir-rigward tad-Direttur tad-Dipartiment tal-Protezzjoni Ċivili u kwistjonijiet oħra konnessi magħhom u anċillari għalihom.