L-għanijiet u r-raġunijiet ta’ dan l-Abbozz ta’ Liġi huma sabiex jiġi emendat l-Att dwar il-Kumpaniji (Kap. 386), prinċipalment sabiex jiġu kkjarifikati ċerti klassifikazzjonijiet u status ta’ kumpaniji, jiġu ssimplifikati rekwiżiti sabiex jirriflettu l-bżonnijiet tal-industrija finanzjarja, jitjiebu r-rekwiżiti ta’ komunikazzjoni bejn ir-Reġistratur u soċjetajiet kummerċjali permezz tal-aġġornar xieraq ta’ indirizz ta’ posta elettronika u sabiex tingħata s-setgħa leġiżlattiva lill-Ministru sabiex jagħmel regolamenti fir-rigward tal-uffiċċju reġistrat ta’ soċjetajiet kummerċjali u għall-formazzjoni, reġistrazzjoni, u governanza ta’ kumpaniji b’responsabbiltà limitata konsistenti ma’ dan l-Att li huma maħsuba sabiex joperaw f’setturi ekonomiċi speċifiċi.