L-għanijiet u r-raġunijiet ta’ dan l-Abbozz huma li jittrasponu fil-liġi nazzjonali d-Direttiva (UE) 2024/1712 tal-Parlament Ewropew u tal-Kunsill tat-13 ta’ Ġunju 2024 li temenda d-Direttiva 2011/36/UE dwar il-prevenzjoni u l-ġlieda kontra t-traffikar tal-bnedmin u l-protezzjoni tal-vittmi tiegħu, billi fost l-oħrajn, jiġu introdotti reati
speċifiċi ta’ traffikar tal-bnedmin għall-finijiet ta’ żwieġ sfurzat u sfruttament tal-maternità surrogata, filwaqt li tiġi estiża wkoll l-applikazzjoni ta’ ċirkustanzi aggravanti. L-Abbozz jipprovdi wkoll għal assistenza u appoġġ speċjalizzati għal vittmi tat-traffikar, jintroduċi salvagwardji speċifiċi għal vittmi tfal, jistabbilixxi Mekkaniżmu Nazzjonali ta’ Riferiment għat-traffikar tal-persuni, u jaħtar lill-Ministeru responsabbli għall-ugwaljanza bħala l-Koordinatur Nazzjonali Kontra t-Traffikar tal-Persuni.