L-Għan ewlieni tal-Abbozz huwa li jagħti effett lill-proposti tal-Budget u disposizzjonijiet konsegwenzjali dwar l-għoti ta' tnaqqis personali għall-finijiet tat-taxxa fuq l-income. Qed isiru wkoll emendi biex jiġu mħarsa l-interessi tal-impjegati dwar tnaqqis li jsir bis-sistema tal-PAYE. L-Abbozz ukoll jaġġorna l-mod kif jiġu kalkolati l-profitti min-negozju ta' assigurazzjoni ġenerali sabiex dan isir bl-istess mod kif isir f'ħafna pajjiżi. Emendi oħra għandhom x'jaqsmu ma' miżuri biex jitħaffu l-proċeduri għall-ġbir tat-taxxa u ma' miżuri oħra amministrattivi.