L-Għan ta' dan l-Abbozz huwa li jirregola l-professjoni ta' accountants u udituri sabiex jogħlew aktar il-livelli professjonali s'issa milħuqa, u li jdaħħal prattika komuni u jiżgura grad ogħla ta' integrita fost il-professjoni. Dawn id-disposizzjonijiet u disposizzjonijiet oħra, inkluza l-ħtieġa li l-udituri kollha jkunu assigurati kontra responsabbilta għal telf jew danni li jinħolqu minħabba tort, negligenza jew għemil ieħor ħażin minn naħa tagħhom jagħtu protezzjoni akbar - li f'ċerti każijiet hija ġdida għal kollox - lill-pubbliku in ġenerali u b'mod partikolari lil shareholders,
depożitanti u investituri.