L-Għan ta' dan l-Abbozz huwa li jagħmel tibdil fl-Ordinanza Elettorali dwar il-Jedd tal-Vot, il-Metodu ta' l-Elezzjoni u r-Reġistrazzjoni tal-Eletturi minħabba ż-żewg emendi li saru fil-Kostituzzjoni. Waħda minn dawn l-emendi saret riċenti u tipprovdi li f'ċerti ċirkustanzi n-numru tal-membri Parlamentari jista' jiżdied u l-emenda l-oħra, magħmula fl-1974, għamlet tibdil fid-distretti elettorali, tat il-prerogattiva lill-Kummissjoni Elettorali li ma baqgħetx suġġetta għall-approvazzjoni tal-Kamra tad-Deputati.