L-Għan ta' dan l-Abbozz prinċipali hu sabiex jipprovdi għall-aħjar rappreżentanza tas-settur privat fuq il-Bord Eżekuttiv tal-Organizazzjoni Nazzjonali tat-Turiżmu. L-abbozz għandu wkoll l-għan li jneħħi kull dubju li seta' qam bl-artikolu 5 ta' l-Att ta' l-1986 li jemenda l-Att dwar l-Organizzazzjoni Nazzjonali tat-Turiżmu, dwar is-setgħa tal-Ministru li jippreskrivi l-kontribuzzjonijiet li jitħallsu lill-Organizzazzjoni, minbarra wkoll li jġib fis-seħħ emendi oħra meħtieġa għat-twettieq aħjar tal-funzjonijiet ta' l-Organizzazzjoni.