Titlu

Inħarsu il-Gnien tal-Gzira

Data

16-09-2020

Data li l-petizzjoni tagħlaq għall-firem

14-11-2020

Min ħoloq il-petizzjoni

CONRAD BORG MANCHE`

Ilment

Petizzjoni lil Parlament biex jitlob lill-Gvern jissalvagwardja il-Ġnien tal-Gżira fl-intier tiegħu u biex ma jippermettix pompa tal-fjuwil tieħu xi parti minnu.

Il-komunità tal-Gżira u l-pubbliku Malti għandhom bżonn iddisprat ta’ spazji ħodor miftuħa f’l-urban li iktar ma jmur iktar qiegħed jikber. Uliedna m’għandhom imkien ieħor fejn jilagħbu, il-familji tagħna m’għandhom imkien ieħor fejn jiltaqgħu, iċ-ċittadini anzjani tagħna m’għandhom imkien ieħor fejn jistrieħu. Il-Ġnien tal-Gżira huwa l-aħħar oasi li fadal fil-lokalità tagħna li hija fgata u soffokata bil-kostruzzjoni, kummerċjalizzazzjoni u traffiku.

Għaldaqstant umilment nitlob/nitolbu lill-Kamra tad-Deputati sabiex

Aħna nitolbu li l-ebda parti mill-Ġnien tal-Gżira, li huwa l-aħħar spazju miftuħ prezzjuż, ma tingħata taħt kwalunkwe forma ta’ titlu, kiri jew skambjata biex takkomoda pompa tal-fjuwil, ħasil tal-karozzi u faċilitajiet anċillari sabiex il-pubbliku jibqa’ jgawdi il-firxa sħiħa ta dan l-ispazju. Dan il-ġnien ta’ 20,000 metru kwadru huwa in-nifs għall-lokalitajiet tal-madwar bl-aktar densità tal-popolazzjoni gewwa pajjiżna. L-interess taċ-ċittadini jiġi l-ewwel u qabel kollox.

Rimarki tal-għeluq

Grazzi talli ser tkunu magħna għal din il-kawza.